موضوع: بالصلى عالنبي شروط المصطبة الأربعاء يوليو 22, 2009 5:37 am
بصوا يا شباب مش عاوز حد يرسم نفسة الكلام هنا بالعامية ويطلع من القلب من غير مجاملات اعتبروني صديقكوا الانتيـــخ او صديقتكوا هنا فالمصطبة ممكن تحكي موقف او مغامرة حصلتلك او يوم حلو فحياتك او حاجة خنقاك حد نفسك تولع فيه بس الحكايات تبقى بصراحة و بلاش تهيأت انا عموما انا هبدا بنفسي
انا ليا واحد صحبي اسمه طارق معايا فالمعهد وبنعمل رحلات كنا عاملين رحلة لاسكندرية والميزانية خسعت معانا شوية وطبعا عادي بتخسع مع الجميع بس المشكلة ان كان طالع معانا بنات وكنت عامل حسابي اظبط بنوتة وطارق هيظبط صحبتها وكانت دي اول مرة نخرج معاهم المهم كنا في خالد ابن الوليد قاعدين بنتغدى احنا الاربعة اتغدينا و فضلنا قاعدين فالكافيه عقبال ما فترة الرست تخلص قمت مميل على طارق بصفار كدة وقلتله معاك كام قالي وياريته مقالي معايا 9 جنيه واتضح ان الي معانا كله 16 جنيه ولسة ورانا معمورة ومنتزه وسان استيفانو + مصاريف اخري انا معايا فيزا بنك اسكندرية فيها فلوس عملت حسابي هصرف منها وبما اني مشرف الرحلة انا وطارق قلنالهم هنقوم نجمع الناس استنونا روحنا سالنا فين بنك اسكندرية كل منسال حد كالمعتاد يقولنا عــــــــــــلى طوووووول يا حاج فين بنك اسكندرية على طول يا انسة فين... على طول يا كابتن لو سمحت .. على طول اخيرا وصلنا البنك نافخ صدري و داخل احط الفيزا فالماكينة وبعمل استعلام عن الرصيد والحمد لله اتلقيته 00.00 اتصلت بالحاج (بابا) بقوله كان فيه 200 جنيه فالفيزا قالي امك خدتهم امبارح بصيت لطارق وقلتله احنا هنبيع تليفون واحد فينا وكان الوداع لنوكيا 3250 والحمد لله اليوم عدى على خير
معلش رخمت عليكوا
Admin Admin
عدد المساهمات : 202 تاريخ التسجيل : 03/07/2009 العمر : 37 الموقع : بورسعيد
موضوع: رد: بالصلى عالنبي شروط المصطبة الأربعاء يوليو 22, 2009 10:56 am
قشطة يا مان ومنور المنتدى
monosh
عدد المساهمات : 92 تاريخ التسجيل : 11/07/2009
موضوع: رد: بالصلى عالنبي شروط المصطبة الخميس يوليو 30, 2009 7:19 am
موقف جامد يا محمد بس والله ده يعلمك منه كتير قوى انك تحسبها شويه طول منتاااااا باره بلدك او بعيد عن اهلك بس بجد اتسرفت صح مشكور يا مان واوعدكم انى افضح نفسى زيكم كده لحسن انا بتحط فى مواقف جاااااااامده موووووووووووت وزى منا قوالت انك هتنورنا انت بجد منورناااااااااا
فارس الظلام
عدد المساهمات : 10 تاريخ التسجيل : 06/08/2009
موضوع: رد: بالصلى عالنبي شروط المصطبة الخميس أغسطس 06, 2009 6:20 am
موضوع: بالصلى عالنبي شروط المصطبة 
الأربعاء يوليو 22, 2009 5:37 am
